HATAW! D'yaryo ng Bayan hatawtabloid.com
MALAKI ang naitulong ni Beau Belga upang makuha ng Rain or Shine ang unang puwesto sa finals ng PBA Home DSL Philippine Cup.
Nag-average si Belga ng 11.4 puntos at 4.8 rebounds para sa Elasto Painters na kinailangan lang ng limang laro upang dispatsahan ang Petron Blaze sa semifinals sa kartang 4-1.
Sa Game 4 noong Pebrero 3 ay naisalpak ni Belga ang kanyang pamatay na tres sa huling quarter upang dalhin ang ROS sa 88-83 panalo upang makuha ang 3-1 na kalamangan sa serye.
At sa Game Five noong Biyernes ay nagtala si Belga ng 18 puntos at siyam na rebounds, bukod sa kanyang mahusay na depensa kay Junmar Fajardo, upang makumpleto ng Painters ang kanilang pagmartsa sa finals sa pamamagitan ng 97-88 na tagumpay.
Dahil dito, napili si Belga bilang Player of the Week ng PBA Press Corps para sa linggong Pebrero 3 hanggang 8.
Ito ang ikalawang beses na nakuha ni Belga ang parangal pagkatapos na tatlong sunod na linggong nakuha ito ni Mark Barroca ng San Mig Super Coffee. (James Ty III)
