HATAW! D'yaryo ng Bayan hatawtabloid.com
ni Reggee Bonoan
MAAGANG Valentine’s gift ang handog sa TV viewers ng Kapamilya teen stars na sina Nash Aguas at Alexa Ilacad ngayong Sabado (Pebrero 8) sa Wansapanataym Presents: Enchanted House dahil aaminin na ni Philip (Nash) na mahal niya si Alice (Alexa) bagay na ikakikilig ng kanilang supporters.
Kaya mas lalong tumaas ang ratings ng Wansapanataym at ang LUV U ay dahil dumarami na rin ang supporters nina Nash at Alexa tulad noong nag-uumpisa rin sina Daniel Padilla at Kathryn Bernardo.
Going back to Enchanted House, ang malaking katanungan ay kaya bang burahin ng pag-iibigan nina Philip at Alice ang galit sa puso ng kanilang mga pamilya at turuan ang mga ito na patawarin ang isa’t isa?
Anyway, abangan ngayong Sabado ang kuwentong pag-iibigan nina Philip at Alice kasama sina Ara Mina,Dominic Ochoa, Nikki Valdez, Candy Pangilinan, Jaime Fabregas, Celine Lim, Brace Arquiza, Marikit Morales, at Aldred Gatchalian mula sa panulat ni Danica Domingo at direkiyon nina Erick Salud at Jojo Saguin.
Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
