Kristoffer, pinatawad ang naka-hit and run pero kailangang bayaran ang danyos perhuwisyo

ni  JOHN FONTANILLA

NAGING maganda ang pakikipag-usap ng actor na si Kristoffer Martin sa asawa ng naka-hit and run ng kanyang sasakyan kamakailan.

Ayon kay Kristoffer, ”Okay naman, maayos ko namang nakausap ‘yung asawa.

“Pinresent ko na rin sa kanila ‘yung quotation, ‘yung estimation ng damage ng sasakyan.

“Sabi niya, iko-consult daw niya sa asawa niya, so siguro bayaran na lang nila.

“Kasi kung magdedemanda ako, wala naman sa akin ‘yun. Sabi ng asawa, iko-consult niya at nagmamakaawa siya kung puwedeng pababaan, ganyan-ganyan.

“Kasi raw, sasabay sa tuition and siyempre, ako naman, naawa rin ako. Kasi, siyempre naman, may puso rin ako, eh.

“Pero siguro kasi, kung ‘yung noong nangyari, ‘yung senaryong ‘yun, within the night, kung nangyari ‘yun ang na-settle, okay lang.

“Ayoko kasi niyong lasing ka na, nagmamataas ka pa, ako pa ang pinaparinggan mong mali, in denial ka, tapos tatakbuhan mo ako.

“Dalawang beses mo akong tinakbuhan. ‘Yan lang siguro ang gusto kong iturong lesson kay kuya.

“Eh, ‘di sana, kung noong gabing ‘yun kung nakipag-usap siya sa akin, naayos na, ano ba naman sa akin na insurance naman ‘yung sasagot niyan.”

“Si Daddy naman ‘yung nagsabi na, ‘Dapat hindi ka ginanyan, menor de edad ka, tapos siya 40-plus, gaganunin ka. Turuan niyo ng leksiyon para hindi siya ganyan-ganyan,” mahabang esplika ni Kristoffer.