HATAW! D'yaryo ng Bayan hatawtabloid.com
INARESTO ng Manila Police District ang 26-anyos lalaki na miyembro ng kilabot na LBC gang sa Metro Manila, kamakalawa.
Kinilala ang suspek na si Charben Duarte, binata, jobless, ng 379 Northbay Blvd., Navotas City, ay isinailalaim sa hospital arrest sa Caloocan Medical Center.
Positibong kinilala ng mga empleyado ng LBC Pureza, Sampaloc, Maynila branch na sina Arlyn Medndoza at Mark Belo ang suspek.
Matatandaang, naholdap ang LBC branch nitong Enero 7, ng grupo nina Duarte, at nakulimbat ang P19,800 cash at dalawang cellular phone na nagkakahalaga ng P10,000.
Nabatid kay P/Chief Insp. Randy Maluyo hepe ng MPD DPIOU, nakipag-ugnayan sa kanila ang Caloocan City Police station.
Bago nadala sa ospital ang suspek, nagpalitan ng putok ang grupo ni Duarte nang magka-onesahan sila sa kanilang nakulimbat sa LBC sa Caloocan, na ikinasugat ng suspek.
Nanawagan si Maluyo sa lahat ng Branch ng LBC na biktima ng robbery hold up na makipag-ugnayan upang masampahan ng kaso ang suspek .
(leonard basilio/Jason Buan)
