HATAW! D'yaryo ng Bayan hatawtabloid.com
To senor interpret,
Plz paksagot sna pu agad,kung puwed s txt, plz lang, kung d puwede, wait ku s inyo daryo, bsta sna asap pu, ksi nag aaalala aku dhil mdlas ku nppnaginipan ung 2 ex gf ng mster ku, d ku alam kng bkit kya pakiusp ku, sna ay mabsa ku pu ang sgot s daryo nu.. slmat, aku pu c rodie..
To Rodie,
Ang iyong bungang-tulog ay nagpapakita nang kasalukuyang lagay ng relasyon ninyo ng iyong asawa. Maaaring ito’y dahil sa ikaw ay sobra kung magselos o kaya naman, talagang malapit sa babae ang asawa mo. Alinman sa dalawa ang rason, dapat na mag-usap kayo nang maayos at mahinahon upang magkaintindihan at upang mapawi ang iyong mga agam-agam. Sabihin mo sa kanya ang mga alalahanin at nararamdaman mo hinggil sa inyong relasyon. Sa kabilang banda, kung siya naman ay walang ginagawang masama, nasa iyo ang problema. Ibig sabihin ay masyado kang selosa at insecure. Dapat mong tandaan na ang isa sa mahalagang pundasyon ng matatag na relasyon ay trust o tiwala. Dapat, kung wala ka namang nakikitang dahilan para magsuspetsa o magselos, huwag ka nang mag-isip ng masama sa iyong mister. Ang selos ay nagsisilbing anay upang maging mabuway ang inyong relasyon kaya alisin ito sa iyong sistema. At sakaling magseselos ka man, dapat ay iyong nasa lugar lang at may basehan ka maliban sa supetsa lang. Good luck sa inyo at God bless.
Señor H.
