Utol ng top cop tinaniman ng bala

CAMP OLIVAS, Pampanga – Patay ang kapa-tid ng hepe ng Mabalacat PNP matapos taniman ng bala ng riding in tandem sa McArthur Highway, San Vicente, Apalit, Pampanga kamakalawa ng gabi.

Sa inisyal na ulat ng pulisya, dead on arrival sa JBL Hospital ang biktimang si Lyndon Perez, 47, ng Sitio Pag-asa, sanhi ng mga tama ng bala ng .45 kalibreng ba-ril sa ulo at iba’t ibang parte ng katawan.

Kasalukuyang naka-burol sa Santiago ang bangkay ni Lyndon na kapatid ni Col. Ferdinand Perez, chief of police ng Mabalacat.

Batay sa rekord ng pulisya, kabilang sa watchlist ng municipal anti-drug abuse council si Perez at matagal nang mino-monitor ang kanyang mga modus.

Ayon naman sa ilang mamamayan, public knowledge ang pagka-kasangkot ng biktima sa illegal drugs ngunit ‘di nahuhuli ng mga kabaro ng kapatid niyang kernel.

Nabatid sa imbestigasyon, dakong 10:50 pm nang harangin ng mga suspek ang minamanehong Nissan Urvan (RGS-715) ng biktima at siya ay pinagbabaril.

(RAUL SUSCANO)