HATAW! D'yaryo ng Bayan hatawtabloid.com
TINATAYANG nasa P10 milyong halaga ng ari-arian at paninda, ang nilamon ng apoy sa sumiklab na sunog sa isang home depot sa Taguig City, kahapon ng madaling araw.
Sa ulat ni Taguig Fire Marshal Chief Insp. Juanito Maslang, sumiklab ang apoy sa loob ng MC Home Depot, sa 32nd Street, 7th Avenue, Fort Bonifacio, Global City, dakong 1:30 ng madaling araw.
Umabot sa ikalimang alarma at Task Force Alpha ang naturang sunog dahil sa mabilis na pagkalat dulot na rin ng mga kemikal na nakaimbak sa loob ng naturang home depot.
Wala namang naitalang nasaktan sa insidente at hindi naman nadamay ang mga kalapit na establisimiyento. (J. GARCIA)
