HATAW! D'yaryo ng Bayan hatawtabloid.com
NAGPAABOT ng pagbati at kasiyahan si Manila Archbishop Luis Antonio Cardinal Tagle, sa pagtatalaga ni Pope Francis kay Cotabato Archbishop Orlando Quevedo, bilang bagong miyembro ng College of Cardinals.
Ani Cardinal Tagle, tulad ng kanyang karanasan, hindi rin siya makapaniwala na maitatalaga siyang bagong Cardinal noong nakaraang taon.
Tiniyak naman ni Cardinal Tagle kay Cardinal elect Orlando Quevedo, magiging katuwang siya nito lalo na at unang pagkakataon na nagkaroon ang Filipinas ng Cardinal mula sa Mindanao.
“Unang-una, kaisa ako ng Simbahan ng Filipinas at sa isang natatanging paraan sa ating mga kapatid na taga-Mindanao na ngayon ay naranasan na naman natin ang historic na biyaya na bibigyan tayo ng panibagong Cardinal at first time na manggagaling sa aktibong Arsobispo sa isang Arkidiyosesis sa Mindanao at ngayon ay cardinal elect Orlando Quevedo ng Oblates of Mary Immaculate,” pahayag ni Cardinal Tagle.
Naniniwala din si Cardinal Tagle sa pamama-gitan ng pagiging Cardinal ni Archbishop Quevedo ay maibahagi ng Filipinas sa Roma ang karanasan ng mga kababayan natin sa Mindanao.
“Sa pamamagitan ngayon ng ating bagong kardinal hopefully ‘yung mga buhay na karansan ng pananampalataya sa Minadanao ay mapapaigting na mapapasama na ngayon sa kamalayan ng ating Santo Papa,” pahayag ni Cardinal Tagle
Sinabi naman ni CBCP President Linga-yen-Dagupan Archbishop Socrates Villegas, isang patunay na nagbubunga ang Katolikong pana-nampalataya sa Minda-nao sa pagkakahirang ng Santo Papa kay Cardinal Quevedo.
“The CBCP is elated to receive the news that Pope Francis has named the Archbishop of Cotabato, Archbishop Orlando Quevedo, OMI as a member of the College of Cardinals. Cardinal elect Quevedo is a senior member of the Catholic hierarchy in the Philippines. He is known in the CBCP for his mental clarity and intellectual brilliance. He is an archbishop who is truly passionate for the formation of basic ecclesial communities. He has been a pastor up north in Ilocos Sur and down south in Cotabato. ani Villegas.
Si Archbishop Orlando Quevedo ang kauna-unahang arsobispong Filipino na itinalagang Cardinal sumunod Luis Antonio Cardinal Tagle na itinalagang Cardinal ni Pope Benedict XVI.
(leonard basilio)
