HATAW! D'yaryo ng Bayan hatawtabloid.com
PURSIGIDO talaga si Rocco Nacino sa panliligaw sa kanyang leading lady sa katatapos na drama-serye ng GMA-7. Wala talagang paligoy-ligoy ang aktor sa pag-amin na nililigawan niya si Lovi.
Pero ayon kay Lovi, gusto muna niyang magpahinga sa pakikipagrelasyon at pagbutihin pa ang kanyang craft bilang aktres.
Hindi naiwasang maging ‘scene stealer’ nina Lovi at Rocco nang magkasabay na dumating noon sa 39th MMFF Awards Night na ginaganap sa Meralco Theater. Naka-black formal coat and tie si Rocco at si Lovi naman ay naka-glittering white long gown. Marami nga ang nakapansing bagay sila lalo pa’t kapwa sila moreno’t morena.
Umamin si Lovi na exclusively dating sila ng aktor at para sa kanya, hanggang doon muna ang kanilang closeness.
Sinabi naman ni Rocco na hindi siya nawawalan ng pag-asa kaya tuloy pa rin ang kanyang panliligaw at ang tsika, may namagitan na sa dalawa.
“Masaya kami sa anumang nangyayari ngayon at inamin ko naman na humahanga ako sa kanya. So, tingnan natin,” masayang pahayag nito.
Bilang sagot naman ni Lovie, ”I dont know, it’s not for me to say pero sa ngayon we are enjoying what we have ang let’s see if it will go somewhere,” pahayag nito na agad namang tumalima ang aktor sa pagsasabing masaya silang dalawa ngayon na hindi nila alam kung ano ang susunod na mangyayari sa kanilang dalawa. ”’Yun naman ang masaya sa experience na ito, we never know what will happen.”
Sa ngayon, mahirap pang pangunahan ang mga pangyayari sa kanilang dalawa lalo pa’t nilinaw ng aktres na hindi sila mag-on ng aktor pero inamin naman nito na na malambing na tao ang aktor. Aniya, ”No, pero he’s very sweet naman from the very beginning.”
Alx Datu
