Pelikula ni Robin, tinalo ng Pagpag ni Daniel

MUKHANG nagkatotoo naman ang sinabi ni Robin Padilla, na ang flag bearer ngayon ng kanilang clan ay ang pamangkin niyang si Daniel. Hindi lamang dahil sa katotohanan na naging napakabilis ang pagsikat niyon, gawa ng ABS-CBN, kundi maliwanag din sa unang araw ng festival, tinalo na ng pelikula ni Daniel ang pelikula ni Robin na hindi nakasampa sa first four top grossers.

Marami kaming narinig na comment. Ang isa ay dahil may bahid daw ng politika ang pelikulang ginawa ni Robin. Siguro nga kung pinalabas na lang nila na iyon ay isang action picture na karaniwan, baka mas kumita pa. Pero nagkamali sila ng publicity slant at inamin na nilang buhay iyon ng isang politician, kaya siguro lost naman sila.

Iyan ang sinasabi naming, dapat ang lahat ng bagay ay tinitimbang at pinag-aaralan.

Ed de Leon