HATAW! D'yaryo ng Bayan hatawtabloid.com
LAOAG CITY – Kinompirma ni Samuel Oliva, head teacher ng Nagba-lagan Elementary School sa Bangui, Ilocos Norte, agad nagbakasyon ang gurong pinaratangang nangmolestiya sa kanyang pupil.
Kinilala ni Oliva ang suspek na si Kenneth de Guzman, Grade 6 teacher ng nasabing paaralan, samantala ang biktima ay 12anyos na Grade 6 pupil.
Ayon sa head teacher, agad niyang kinausap si De Guzman matapos malaman ang naturang akusasyon ngunit agad naman pinabulaanan ng guro.
Nabatid sa ulat na sa tuwing matatapos ang klase ng mga bata ay ipinaiiwan ng guro ang biktima at dito ginagawan ng kahalayan.
Sinasabing ang ginagawa ng guro sa kanyang pupil ay natuklasan ng ilan sa mga kaklase ng bata.
Magmula nang matuklasan ng ilang kaklase ang ginagawa ng guro sa pupil ay nag-obserba na sila hanggang makarating sa head teacher ng paaralan ang pangyayari dahilan upang ipatawag ang guro.
Samantala, plano ng PTCA ng Nagbalagan Elementary School na gumawa ng resolusyon upang hindi na makabalik sa paaralan ang guro pagkatapos ang kanyang bakasyon. (HNT)
