HATAW! D'yaryo ng Bayan hatawtabloid.com
ILAN sa mga pambato ng bansa ang masisilayan sa pagtulak ng 3rd LifeCore Enterprise Open Chess Championship na pinamagatang Calapan, Oriental Mindoro Open Chess Championship ngayong Linggo, Setyembre 8, 2013 na gaganapin sa Sangguniang Panglungsod, City Hall ng Calapan City, Oriental Mindoro.
Inaasahang magpapakitang gilas sina 12-time national open champion GM Rogelio “Joey” Antonio Jr. tubong Calapan, Oriental Mindoro at candidate master Rainier Labay mula Socorro, Oriental Mindoro ang magbibigay ng magandang laban sa host City kung saan tampok din ang paglahok nina GM John Paul Gomez, GM elect Ronald Dableo, Fide Master Christopher Castellano, National Master Edmundo Gatos at six time PHL Executive champion Dr. Jenny Mayor.
Ayon kay national arbiter Gatz V. Luz, ang 3rd LifeCore Enterprise Open Chess Championship ay ipatutupad ang seven-round Swiss System Open Tournament kung saan ang bawat manlalaro ay bibigyan ng tig “twenty five minutes” para matapos ang laro.
Ang torneyo ay bukas sa lahat ng Untitled, Rated at Titled chess players na good standing sa National Chess Federation of the Philippines (NCFP).
(Lovely Icao)
