HATAW! D'yaryo ng Bayan hatawtabloid.com
LAGUNA – Dalawa katao ang patay habang sugatang isinugod sa Laguna Provincial Hospital ang driver at dalawang pasahero makaraang mahulog sa bangin ang sinasakyan nilang pampasaherong jeep sa bahagi ng Provincial Road, Brgy. Pinagsanjan, bayan ng Pagsanjan sa lalawigang ito kamakalawa ng gabi.
Kinilala ni Pagsanjan Police chief, Senior Insp. Henry Villagonzalo ang mga namatay na sina Daniel Alano Francisco, 30, at John Nicco Villanueva, 22, habang sugatan naman ang driver na si Edelberto Galay, 34, ang at ang mag-inang pasahero na sina Amparo Villanueva, 48, at Norjay Villanueva, 21, pawang mga residente ng Brgy. Umboy at Patimbao, bayan ng Sta. Cruz sa Laguna.
Sa imbestigasyon ng pulisya, dakong 7:50 p.m. patungo ang naturang jeep (CWE-418) sa bayan ng Pagsanjan mula sa bayan ng Cavinti nang mawalan ng preno ang sasakyan at nahulog sa bangin.
(BOY PALATINO)
