HATAW! D'yaryo ng Bayan hatawtabloid.com
HOW true na bago raw napunta kay Jaclyn Jose ang role sa Ma’ Rosa ay una raw munang inialok kay Vilma Santos kaya lang masyadong busy si Ate Vi dahil sa papalapit na eleksiyon kaya tinanggihan iyon?
Samantala, puring-puri ang panalo ngayon ni Jaclyn bilang Best Actress sa Cannes para sa kanyang pagganap bilang si Ma Rosa, isang ina na may maliit na tindahan na gustong magkaroon ng extra income.
Bidang-bida si Jaclyn sa Cannes lalo na sa kanyang acceptance speech pero alam n’yo bang siya rin ang kauna-unahang Southeast Asian actress na naging Best Actress sa Cannes?
Aba, masusulat talaga si Jaclyn sa kasaysayan ng pandaigdigang Sining at Pelikula.
During the red carpet, hindi gaanong napansin si Jaclyn dahil napunta kay Ma. Isabel Lopez ang atensiyon ng crowd dahil sa pagrama at suot niyang green gown.
Pero sa awards night, tinalbugan naman ni Jaclyn si Ma. Isabel.
Pero I’m sure, happy si Ma. Isabel sa panalo ni Jaclyn.
At dahil dito, ang sigaw ng netizens, grand parade para kay Jaclyn! ‘Yung ginagawa natin kapag nananalo si Manny Pacquiao sa laban niya ay nararapat ding gawin sa aktres.
Pero ewan ko kung sino ang mag-initiate ng grand parade for Jaclyn.
Anyway, kahit simpleng parada lang for Jaclyn, puwede naman kahit ilagay lang siya sa isang truck basta may parada.
MAKATAS – Timmy Basil
