PUSH NA’YAN
ni Ambet Nabus
MALI ang hula ng maraming PBB supporters na dalawang lalaki ang mae-evict sa kauna-unahan ntong eviction night.
Ang tandem nina AC Bonifacio at Ashley Ortega ang napalayas sa bahay ni Kuya habang may dalawang papasok sa katauhan nina Emilio Daez at Vince Maristela.
“Naku masayang masaya ang sang-ka-acclaan…Alam ni kuya ang mga bagong fan ng PBB,” sigaw ng mga netizen na nagsasabing pinipili nga raw ni Kuya ang mga bagets na gwapo at maraming followers sa socmed bilang housemates niya.
Although marami ang nanghihinayang kay Ashley na tipong nadamay lang daw sa ka-negahan ni AC, marami rin ang nagsasabing mas markado na ito bilang celebrity sa labas ng PBB.
Lalo’t may mga usapin nga sa jowa nitong si Mavy Legaspi at ex na si Mark Alcala.
