Saturday , October 16 2021
YANIG ni Bong Ramos
YANIG ni Bong Ramos

Nakahihilong mga patakaran ng gobyerno

YANIG
ni Bong Ramos

MASYADO nang nagugulohan ang mga tao sa kung ano-anong patakarang ipinatutupad ng gobyerno hinggil sa pagsugpo o pagpigil sa virus na dulot ng CoVid-19.

Nahihilo at desmayado na ang madlang people sanhi ng iba-ibang klase ng community quarantine na ipinatutupad.

Hindi umano malaman ng publiko kung nasa status pa tayo ng ECQ, MECQ, GCQ at kung ano-ano pang community quarantine na kung titingnan ay wala rin namang pagbabago.

Ipinapalagay ng marami na parang walang direksiyong tinutumbok at patutunguhan ang mga ginagawang hakbang ng gobyerno. Kumbaga sa manok ay hilong-hilo na at putak nang putak na lamang.

Bakit kamo? Mantakin ninyong idineklara na ang status na GCQ noong nakaraang linggo, sukat pang bawiing muli sa loob lamang ng tatlong oras.

Urong-sulong, atras-abante sa mga mismong patakarang ipinatutupad nila samantala sila-sila lang naman ang nag-uusap hinggil sa mga patakarang gusto nila.

Kawawa ang mga umaasang publiko na handang-handa na upang muling maghanapbuhay ngunit muling nabigo sa kanilang inaasahan samantala ang mga taong nasa likod nito ay easy-easy lang na walang ibang ginagawa kundi kumumpas at ayos na.

Ang gobyernong ito, partikular ang bumubuo ng IATF ay para bang nagpapakita ng senyales na hindi sila para rito sa krisis na kinakaharap ng buong bansa.

Kung sa bagay, mukhang hindi sila nararapat dahil karamihan ng bumubuo ay mga retiradong heneral imbes na health expert, siyentipiko, at mga taong may kinalaman sa kalusugan at medisina ang nasa kanilang lugar.

Ano nga naman ang kinalaman ng mga heneral, samantalang hindi naman gera, terorismo, at banta sa seguridad ng bansa ang nakataya rito.

Hinfi kaya panahon na upang bigyan ng pagkakataon ang iba nating kababayan na talagang may kaalaman sa kasalukuyang krisis nating kinakaharap?

DUTERTE, RETIRED GNERALS HILIG SA KANYANG GABINETE

Talaga yatang mahilig sa mga retiradong heneral si Pangulong Rodrigo Duterte na agad niyang itatalagang miyembro ng kanyang gabinete.

Base ito sa pagtatalaga niya kay dating PNP Chief Gen. Debold Sinas bilang Undersecretary sa Office of the President.

Hindi kaila sa ating lahat, wala pang isang taon nang magretiro si Sinas bilang PNP Chief ngunit ngayo’y miyembro na ng kanyang gabinete.

Hindi natin malaman kung talagang mahilig o dili kaya ay kahinaan talaga ng ating mahal na Pangulo ang mga retiradong heneral.

Bukod kina Gen. Año, Gen. Cimatu, Gen. Galvez, at marami pang iba, nadagdag muli ang isa pang heneral sa katauhan ni Gen. Sinas.

Malamang na 50 porsiyento ng gabinete ay binubuo ng mga retiradong heneral at militar, ‘di po ba?

*****

Happy, happy 65th birthday in advance to my kumpadre Manny Bilardo of Barrio Roxas, Tondo, Manila on Saturday, September 26, 2021. Wishing you the best of health and luck. May you have many, many more birthdays to come. God bless at mabuhay ka!

About Bong Ramos

Check Also

Bulabugin ni Jerry Yap

Gibaan sa socmed rumatsada na publiko mag-ingat sa fake news

BULABUGINni Jerry Yap MGA MAGULANG panahon ngayon para bantayan o turuang maging matalas ang inyong …

Balaraw ni Ba Ipe

Balik si Gibo

BALARAWni Ba Ipe TAOS-PUSONG pagbati kay Maria Ressa a pagwawagi ng Nobel Peace Prize. Sumasaludo …

FIRING LINE ni Robert B. Roque, Jr.

Handa na sa gera ang Taiwan, tayo ba?

FIRING LINEni Robert B. Roque, Jr. NAKAAALIW ang mga palitan ng kuro-kuro sa social media …

AKSYON AGAD ni Almar Danguilan

Gov. Suarez, anak, sinampahan ng kaso sa Ombudsman

AKSYON AGADni Almar Danguilan KINASOHAN pala sa Ombudsman si Quezon Province Gov. Danilo Suarez. Ito …

Bulabugin ni Jerry Yap

Kathniel’s fans hindi konsintidor sa pagiging ‘ingrata’ ng ina ng aktor (Sa paghahain ng CONA ni Karla Estrada)

BULABUGINni Jerry Yap IBANG klaseng manindigan ang fans ng love team na Kathryn Bernardo at …

Leave a Reply