Ex-DBP chair Nañagas ikulong (Hatol ng Sandiganbayan)

HINATULAN ng Sandiganbayan na makulong si dating Development Bank of the Philippines (DBP) Chairman of the Board Vitaliano Nañagas II dahil sa kasong estafa at katiwalian.

Ayon sa ulat ng Office of the Ombudsman, hinatulan ni Presiding Justice Amparo Cabotaje-Tang si Nañagas na makulong ng anim hanggang 10 taon dahil sa paglabag sa Anti-Graft and Corrupt Practices Act, apat hanggang 12 taon pagkakakulong sa isang count ng estafa, at apat hanggang 14 pang taon pagkakaulong sa ikalawang kaso ng estafa.

Bukod dito, pinagbabayad din si Nañagas sa gobyerno ng kabuuang P377,040.01.

Sa 36 pahinang desisyon, tinukoy ng korte na ginamit ni Nañagas ang pondo ng bayan maging sa personal niyang lakad sa pamamagitan ng ‘reimbursement’ sa travel expenses sa Amerika.

Kabilang sa personal expenses ay lingerie, underwear, gamity, jersey shorts at personal gifts.

“While the members of the Board and the Chairman are entitled to allowable expenses, the same should be in connection with the discharge of their duties and responsibilities as such,” ayon pa sa anti-graft court.