HATAW! D'yaryo ng Bayan hatawtabloid.com
NAMAYANI uli ang isang dehadong kabayo sa 2015 Philracom 2nd Leg Triple Crown Stakes Race in Honor of Congressman Enrique M. Cojuangco, Sr. na humataw sa karerahan ng Santa Ana Park, Naic, Cavite.
Pagbukas ng starting gate ay bandera agad ang Superv na nanalo sa 1st Leg na dehado sa betting. Nagawa nitong bumandera hanggang malapit sa finish line nang biglang dumating sa likuran niya ang kabayong Court Of Honor na nirendahan ni jockey John Paul A. Guce na gumawa ng malakas na remate pagsapit ng finish line at ito ang nanalo.
Segundong dumating sa finish line ang dehado ring Breaking Bad na sakay si jockey R.G. Fernandez at Tersero ang Superv ni jockey J.B. Bacaycay.
Tumataginting na P1,800,000 ang tatanggapin ng may-ari sa nanalong kabayo. Sa segundo ay P675,000, sa tersero ay P375,000 at sa pang-apat ay P150,000.
Ang third leg ng Triple Crown ay hahataw sa Hulyo 12, 2015 sa karerahan ng Metro Turf sa araw ng linggo.
Sponsor ng Philippine Racing Commission (Philracom) sa pamumuno ni Chairman Andrew Sanchez at Executive Director Andrew Buencamino.
oOo
May isang mananaya ang nakapuna kung bakit pitong (7) karera ang binibitawan sa tatlong karerahan sa mga regular na araw. Ayon sa Commission, pito o walong karera ay halos pareho rin ang benta sa takilya.
Binawasan ng isang karera ang tatlong karerahan upang makatipid sa kunsumo sa kanilang mga facilities.Hindi raw tumataas ang sales kahit gawin pang walong (8) karera.
Ang mga premyo ng mga horse owner ay hindi lumalaki dahil nga mahina ang benta sa takilya.
Kung tataas muli ang benta sa takilya ay muling babalik ang 8 races to 9 races sa mga araw ng karera.
Bayang Karerista suportahan po natin ang bawat karera dito sa ating bansa.
Maraming magagandang balak gawin ang Philippine Racing Commision (Philracom) upang muling magbalik ang inyong tiwala.
oOo
Lubos pong nagpapasalamat ang Press Photograhers of the Phlippines (PPP) sa pamunuan ng Philippine Racing Commisson (Philracom) sa walang sawang sumusuporta.
Muling ibinalik ng Philracom ang “Photo Contest” para sa mga Press Photographers upang i-promote ang Horse Racing Industry dito sa ating bansa.
MARAMING SALAMAT PO PHILRACOM!
DEADHEAT – Freddie M.
Mañalac
