Magkasintahan nagtalik sa beach hinatulan ng 15-taon pagkabilanggo

 

NAPATUNAYANG guilty ng isang jury court ang magkasintahang nagtalik sa Bradenton Beach sa Florida makaraan lamang ang 15 minuto deliberasyon.

May kaukulang 15-taon pagkabilanggo ang parusa sa ganitong uri ng pagkakasala.

Kinasuhan sina Jose Caballero, 40, at Elissa Alvarez, 20, ng 2 counts bawat isa sa salang lewd and lascivious behavior nang mag-sex sila sa isang public beach noong Hulyo 20, 2014.

Ipinakita sa video na ipinalabas sa courtroom sa isa’t kalahating araw na paglilitis si Alvarez na nakapatong sa ibabaw ni Caballero sa seksu-wal na paraan. Tumestigo ang ilang saksi na nakita ang pangyayari ng isang 3-taon-gulang na batang babae.

Kakailanganin ngayon nina Caballero at Alvarez na magrehistro bilang mga sex offender.

Hindi pa inihayag ang araw ng paghatol ngunit nagpahayag si Assistant State Attorney Anthony Dafonseca na papa-tawan nila ang dalawa ng mas mabigat na sentensiya dahil walang record si Alvarez at si Caballero na nakulong nang halos walong taon sa salang cocaine trafficking.

Dahil nakalaya si Caballero nang wala pang tatlong taon bago nagsagawa na naman ng nahaharap siya sa maximum na 15-taon pagkabilanggo.

“Binigyan namin sila ng reasonable offer ngunit nag-desisyon silang hindi tanggapin ito,” punto ni Dafonseca. “Sa kabila na may video at mga testigo na nagpapatunay sa ginawa nilang pagkakasala.”

Kinalap ni Tracy Cabrera