HATAW! D'yaryo ng Bayan hatawtabloid.com
KASAMA ang anak ng dating PBA legend Benjie Paras na si Andre sa lineup ng San Beda College para sa Filoil Flying V Hanes Premier Cup na magsisimula sa Sabado.
Lumipat si Paras sa San Beda pagkatapos ng isang taon niyang paglalaro sa University of the Philippines sa UAAP kung saan doon naglaro ang kanyang ama.
Makakasama ni Paras sa lineup ni coach Jamike Jarin sina Ola Adeogun, Baser Amer, Art Dela Cruz, Ryusei Koga, Jeramer Cabanag, Amiel Cris Soberano, Jaypee Mendoza, Dan Sara, Ice Reyes, Jose Mari Presbitero, Pierre Tankoua, Radge Tongco, Michole Sorela, Javee Mocon, Alfred Sedillo, Lance Abude at Francis Abuda.
Maghaharap ang San Beda kontra De La Salle University sa isa sa tatlong laro sa pagsisimula ng torneo sa Sabado sa San Juan Arena.
Bukod sa kanyang paglalaro at pag-aaral sa San Beda, abala rin si Andre sa kanyang pagiging artista at VJ ng MTV Pinoy sa cable TV. (James Ty III)
