Madisen Go mala-Anne Curtis ang dating

MATABIL
ni John Fontanilla

FUTURE Anne Curtis-Smith ang dating ng isa sa bida ng advocacy film na Aking Mga Anak na mapapanood na simula ngayong araw, September 3 sa mga sinehan nationwide, hatid ng DreamGo Productions at Viva Films, si Madisen Go.

Marami kasing magkatulad sina Anne at Madisen nang nagsisimula pa lang sa showbiz ang Viva actress at It’s Showtime host. Pareho silang maputi, maganda, matangkad, at Inglisera.

Magaling ding mag-host si Madisen katulad ni Anne. Host ng children show si Madisen, ang Talents Academy ng IBC 13 at pareho rin silang print at commercial model.

At sa pelikulang  Aking Mga Anak ay ipinakita naman ni Madisen ang husay nitong umarte bilang anak ng aktor na si Hiro Magalona at ilan sa mga eksena nila ang tiyak magpapa-iyak sa manonood.

Kasama rin sa pelikula sina  Candice Ayesha, Juharra Zhianne Asayo,  Alejandra Cortez, at Jace Fierre. With  Ms. Cecille Bravo, Ralph Dela Paz, Klinton Start, Patani Dano, Natasha Ledesma, Sarah Javier, Art Halili Jr., Nicole Al Meer, Andrea Go, Prince Villanueva  at iba. 

Ang Aking mga Anak ay idinirehe ni Jun Miguel.