Model/actor Arkin Lagman recording artist na

MATABIL
ni John Fontanilla

Recording artist na ang model/actor na si Arkin Lagman under Old School Records and Star Music.

Ipino-promote niya ngayon ang first single, Pabalik Na mula sa komposisyon ni Kiko Kikx Salazar.

Sobrang happy at excited ito sa pagkakaroon ng sariling kanta at sa nangyayari pa sa kanyang career at nagpapasalamat ito sa mga taong tumutulong sa kanya.

“Sobrang saya po na mayroon na akong sariling song. Dati dream ko lang ito and now natupad na.”

Dagdag pa nito, “And I feel absolutely excited for what’s to come, and blessed that there are people that are here to help me make my dreams come true. 

“Nagpapasalamat ako sa family ko, friends ko, and the people that’s always been here supporting me.”

At ang singer na si Ian Manibalee ang gusto niyang maka-collab.

At bukod sa pagiging singer, model and actor ay abala rin si Arkin sa pag-aaral na Grade 12 na sa pasukan at pagre-record ng kanyang second single.

“Right now po I’m a grade 12 student. Also magre-record na po ako ng 2nd song ko.”

Kaya naman sa mga Pinoy music lover na mahilig sa mga bagong awitin na tunog old love songs ay tiyak magugustuhan ang awiting Pabalik Na ni Arkin na available na sa lahat ng digital streaming platforms.