Magic Voyz matagumpay 4th concert sa  Viva Cafe 

MATABIL
ni John Fontanilla

MULING dimunog ang concert ng boy group na Magic Voyz na kinabibilangan nina Jhon Mark Marcia, Juan Paulo Calma, Mhack Morales, Rave Obado, Jace Ramos, Ian Briones , Asher Diaz, at Johan Shane na ginanap noong January 30 sa Viva Café, Cubao, Quezon City.

Masaya ang buong grupo ng Magic Voyz sa dami ng taong nanood ng kanilang 4th concert.

Ayon sa masipag nilang manager na si kaibigang Lito De Guzman ng LDG Productions, “Biglaan itong show na ito ng Magic Voyz, kinausap ako ni Boss Vic (Del Rosario) na mag-show ngayong Jan. 30.

“Kaya medyo kaunti lang ‘yung days ng rehearsals nila sa show, pero happy ako dahil sobrang dami ng taong nanood.”

Kompara sa mga naunang concert ng grupo, mas magaling sila ngayon na halatang-halata na buong-buo na ang kanilang self-confidence at kering-keri nang makipaglaro sa audience.

Nakasama ng Magic Voyz sa kanilang concert sina Yda Manzano, Meggan Marie, at Ayah Alfonso. Host by Buraot Kween at directed by Lito.

Ngayong taon, abangan ang big concert nila para sa selebrasyon ng kanilang unang anniversary.

For booking and inquiries, puwedeng kontakin ang Magic Voyz  sa kanilang Facebook  page. Maaari ring tawagan ang Viva Artists Agency sa cell number na  09178403522.