HATAW! D'yaryo ng Bayan hatawtabloid.com
TAWAG-PANSIN ang isang billboard sa may C5 Southbound dahil sa message na talaga namang nakaiintriga, ito ay ukol sa pagmamakaawa na ‘wag silang maghiwalay.
Nakasulat sa sinasabing billboard, ang message na, “Wag na tayo mag-break, please” kasama ang sad emoticon, at ang mensahe ay galing sa isang “D.”
Ipinost ito ng isang Gifer Fernandez sa social media, na mabilis nag-viral. Imagine, naka-17 million views, 382,000 reactions, 10,000 comments, at 41,000 shares ito sa Facebook.
At ang matindi pa, maraming netizens ang nag-iisip sa kung sino ang D na tinutukoy sa billboard. May mga nagsasabing hindi kaya ang D na tinutukoy sa billboard ay either si Dominic Roque o Daniel Padilla? Kasi nga naman kaka-break lang ng mga ito sa kani-kanilang girlfriend. Si Dominic kay Bea Alonzo at si Daniel ay kay Kathryn Bernardo.
Habang kumakalat ang espekulasyong ito’y wala namang kompirmasyon o pagde-deny mula kina Daniel at Dominic kung isa ba sa kanila ang tinutukoy doon sa viral billboard campaign.
Samantala, mabilis din ang netizens sa pagta-tag kay Darren Espanto, na agad namang nagbigay itong nagbigay ng kanyang reaction. “Ako talaga ‘to. ‘Di ko lang sinasabi kasi private love life ko HAHHAHAHA Kainis.”
Hanggang ngayo’y pahulaan pa rin kung sino nga ba si D sa viral billboard campaign. Ang nakatatawa lang, talagang ang lakas ng dating nito. At habang hindi naire-reveal kung sino si D, tiyak na marami pang pangalan ang magsusulputan para mahulaan kung sino nga ba ito.
