Jane gustong pang palawigin kaalaman sa pag-arte, wish makatrabaho si Paulo

MA at PA
ni Rommel Placente

SI Paulo Avelino ang ultimate showbiz crush ni Jane de Leon. Kaya naman gusto niyang makatrabaho ang aktor. 

Sabi ni Jane, “Ito po kasi talaga, muntik na muntik ko na siyang makatrabaho. Crush ko kasi talaga siya si Paulo Avelino. Alam niya ‘yon.

“Kasi given na ‘yung may looks siya, kaya ko siya nagustuhan kasi napakagaling niyang artista.

“‘Yun ‘yung reason kung bakit gusto ko rin siyang makatrabaho. Hindi lang porke crush ko siya, siyempre hinahangaan, magaling kasi siyang artista.

“Parang kinakain ako ng upuan. Ahhh, Jane, trabaho lang,” ang napapangiting sabi pa ng dalaga.

Samantala, naibahagi rin ni Jane ang kanyang dream role. 

“Marami. Siyempre hindi naman matatapos lahat sa ‘Darna.’ Sinasabi ko nga kay Lord, baka ito pa lang ang umpisa, ganyan. Marami, eh.

“Alam mo ‘yung ‘Split,’ ‘yung iba-iba ‘yung mga personality. I want to try that gusto ko ma-challenge ang sarili ko.

“Then other than gusto ko rin makapapag-explore out of the country kasi I really love my craft so much.

“Pumasok naman ako rito not just for the fame or for money but of course I really love my craft,” sabi pa ng aktres.

At sa tanong kung ano ang expectation niya sa kanyang buhay at career five years from now.  “A successful lady, ‘yun talaga. But siyempre may plan pa rin si Lord for me. So no matter what kung ano man ‘yon, alam ko na may ibibigay Siya sa aking lesson to grow,” paliwanag pa ni Jane.