HATAW! D'yaryo ng Bayan hatawtabloid.com
MA at PA
ni Rommel Placente
ENGAGED na si Bugoy Carino sa live-in partner niyang si EJ Laure. Noong mismong birthday ng young actor, September 3, na kanyang debut (21 years old), nang mag-propose siya sa volleyball star.
Sa tanong namin kay Bugoy kung kailan nila planong magpakasal ni EJ ngayong engaged na, ang sagot niya, “Hindi ko pa po alam. Siguro, next, next year. Pinagpaplanuhan na namin.
“And ayun, sobrang thankful nagawa ko ‘yung proposal, isinabay ko pa noong birthday ko.
“So ayun, masaya naman. Basta pinagpaplanuhan na namin. Sana hindi maulan para lahat ng imbitahan namin makapunta.”
Church wedding ang gusto ni Bugoy.
Matagal niya bang pinagplanuhan ang proposal kay EJ?
“Actually, three months bago ako mag-debut,” sagot ni Bugoy.
“Parang naisip ko na..actually hindi ko po naisip,pinag-pray ko, eh.
“Sabi ko, ‘Lord bigyan mo ako ng sign’ Ayun, binigyan naman ako ni Lord ng sign, na may magsasabi sa akin na magpo-propose ako, na kaibigan ko. Eh may nagsabi, siguro mga tatlo o lima sila. So ayun na ‘yung sign,” kuwento pa niya.
May mga kaibigang celebrites si Bugoy na kukunin niyang abay sa kasal nila ni EJ.
“Kasi, like noong proposal ko, ‘yung mga Hashtags (ang all-male group na kasali si Bugoy na ngayon ay buwag na) nandoon. Tapos ‘yung mga iba pang artista na close ko, nandoon din. So ayun, sure ako na may kukunin akong mga abay sa kanila.
“’Yung iba, ayaw mag-ninong, gusto lang nila abay,” natatawang sabi pa niya.
Sa grupo nilang Hashtags, si Bugoy ang pinakabata. Pero naunahan niya pang magpakasal ang ibang kagrupo like Ronnie Alonte na matagal na ang relasyon kay Loisa Andallo.
“Kaya nga po noong nag-propose ako, noong debut ko, na-pressure sila. Sabi nga sa akin ni Loisa, ‘Uy, pinressure mo naman si kuya Ronnie mo? Ikaw nag-propose na, siya hindi pa,” natatawa ulit na sabi ni Bugoy.
