Mystica sobra-sobra ang pagdadalamhati, anak pumanaw

MA at PA
ni Rommel Placente

SOBRANG malungkot ngayon ang novelty singer na si Mystica. Pagkatapos kasing mamatay ang apo niya noong October ng nakaraang taon, na anak ng kanyang anak na si Stanley Villanueva, ay ito naman ang pumanaw.

Kaya sobrang nagluluksa si Mytica ngayon, lalo na’t namatay ang anak na nasa Las Vegas,  Nevada siya dahil doon na nagtatrabaho bilang singer-entertainer.

Matinding sakit at pangungulila ang nararamdaman niya ngayon sa magkasunod na pagyao ng apo at anak.

Sa pamamagitan ng kanyang Facebook account, ibinahagi ng singer-perormer, ang malungkot na balita. Aniya, namatay si Stanley nitong March 19 dahil sa Cardiomyopathy o Enlargement of the heart, Liver Cirrhosis, at Pneumonia.

Sabi ni Mystica, hindi pa sigurado kung makakauwi siya ngayon sa Pilipinas para sa libing ng anak pero gagawin niya ang lahat para mabigyan ito ng maayos na libing at matustusan ang mga pangangailangan ng pamilyang kanyang naulila.

Nakikiramay kami kay Mystica.