Bianca at Ken masayang nag-foodtrip

RATED R
ni Rommel Gonzales

MASAYA talaga on and off camera ang set ng GMA Telebabad romantic comedy series na Mano Po Legacy: Her Big Boss.

Sa pagte-tape ng kanilang mga eksena, nakuha pang mag-food trip ng lead stars nitong sina Bianca Umali atKen Chan.

Ibinahagi ni Ken ang kanilang impromptu food trip na namakyaw sila ni Bianca ng isaw, betamax o dugo, kwek kwek, at mangga with bagoong.

“Iba pa rin talaga ‘yung sarap ng Pinoy street food diba @bianxa? Nasira yung diet namin kasi pinakyaw namin yung mga pagkain,” sulat niya sa caption ng post.

“Kayo anong ang favorite street food niyo? Ako ISAW!” dagdag na tanong ni Ken.

Samantala, lalong nagiging exciting ang takbo ng kuwento ng Mano Po Legacy: Her Big Boss.

Marami na ring nakakapansin ng closeness ni Richard, karakter ni Ken, sa assistant niyang si Irene, played by Bianca.

Hihingi rin muna ng “break” si Irene mula sa pagpaplano ng wedding nila ng fiance na si Nestor, played by Kelvin Miranda.

Patuloy na tumutok sa Mano Po Legacy: Her Big Boss, Lunes hanggang Huwebes, 9:35 p.m. sa GMA Telebabad.