HATAW! D'yaryo ng Bayan hatawtabloid.com
NANAWAGAN ang isang vice presidential aspirant sa lahat ng presidential at vice presidential candidates ng grand coalition laban sa tandem ni dating senador Bongbong Marcos at Davao City Mayor Sara Duterte.
Sa ginanap na press conference, sinabi ni Rizalito David, kailangan magkaroon ng iisang kandidato na maaaring itapat sa BBM Sara tandem na namamayagpag sa surveys.
Ayon kay David, dapat mag-giveway at magkasundo ang lahat ng presidential at vice presidential candidates at magkaroon ng common candidate.
Sa gagawing ito ng mga presidentiable at vice presidentiable, sambayanan ang makikinabang dahil mananatiling malaya ang bansa.
Kung sino aniya ang may mataas na survey at may napatunayan na, maaaring ito ang kandidatong ilalaban.
Umaasa si David na makapagdesisyon ang mga kandidato kabilang siya bago ang Comelec debate sa April 4. (JUN DAVID)
