Willie may P50k na pa-birthday sa masuwerteng viewers

I-FLEX
ni Jun Nardo

NGANGA muna ang dancers ni Willie Revillame sa Tutok To Win. Tanging ang choreographer na si Ana Feliciano ang nasa show pero hindi para magsayaw, huh!

Naatasan si Ana na tagaabot ng produkto ng isa sa sponsors ng show na kadalasan ay tinutukso ni Willie.

Limitado rin kasi ang staff ni Willie sa live episode ng show everyday. Sa Tagaytay sila lagi nagla-live.

Tuloy pa rin ang pamimigay ng show ng pera sa lucky viewers. Medyo binabago lang ni Willie ang pamimigay dahil kapag nakatututok sa show ang natawagan, malaki ang pera pero kapag hindi nakatututok, bawas ang ibinibigay miya. Dinadagdagan pa niya ang pera sa game na pahulaan sa viewer.

Eh dahil birthday month ni Willie ang January, gagawin niyang P50K ang ibibigay sa masuwerteng matawagan niya!