Sheryl mukhang kaedaran lang ng mga Primadonnas

MATABIL
ni John Fontanilla

FRESH na fresh at mukhang batambata si Sheryl Cruz habang nagti-Tiktok kasama sina Althea Ablan at Sofia Pablo ng Primadonnas Book 2.

At kahit nga napakalayo ng agwat ng edad ni Sheryl sa dalawang dalagita ay halos hindi nalalayo ang histsura ng mga ito. At ang sikreto ni Sheryl ay ang palaging masaya, positibo sa buhay, at mag-exercise kaya naman napapanatili nito ang youthful look.

Kuwento ni Sheryl na nag-enjoy siya nang husto kasama ang mga bagets ng Primadonnas dahil naging bonding moment nila ang pagti-Tiktok during lock in taping nila.

Dagdag nga nito, “Masaya, nakatutuwa sila at sa edad nila nakikita ko na ‘yung dedication nila sa kanilang trabaho. Magagalang, malalambing, full of energy at eager silang makinig sa mga payo na makabubuti para sa kanilang karera, maski ang boys.

“I admired all 4 girls: Jillian, Althea, Sofia & Elijah. I also like Jewel, masipag at napaka-generous din.

“Since madalas kong nakaka-eksena sina Sofia at Elijah I’ve grown fond of them, I see that they are really talented and it’s easy to work with them.

“I had some scenes with Jillian and Althea and enjoyed the scenes we made sa series kaso bitin, I’d like to get to know them better in future projects. They too are talented.

” As a matter of fact, I am looking forward to working with Althea & Elijah and my other cast mates sa ‘Prima Donnas Bk 2’ for our  ‘Tadhana’ guesting this Jan 17 & 19 na ang taping.”

Sa pagpasok ni Sheryl sa Primadonnas Book 2 ay kaabang-abang kung ano ba ang role na gagampanan nito bilang si Bethany “Betty” Howards sa buhay ng mga Primadonnas.