Yasmien at anak na si Ayesha nagpositibo sa Covid

RATED R
ni Rommel Gonzales

MAY paalalang hatid ang former Las Hermanasstar Yasmien Kurdi sa mga magulang, matapos niyang makompirma na nagpositibo siya sa COVID-19.

Sa post ng aktres sa Instagram Story, ipinasilip niya sa kanyang followers ang resulta ng kanyang RNA-PCR test. Sa kasamaang palad, nag-positibo rin ang kanilang anak ni Rey Soldevilla na si Ayesha Zara.

Nangyari na ang pinangangambahan ni Yasmien nang magpa-interview sa entertainment press noong May 2020. Ibinahagi kasi ng StarStruck first princess ang “greatest fear” niya ngayong may pandemya.

Saad ni Yas noon, “Siyempre ang fear ko bilang isang ina is ‘yung magkasakit ‘yung anak ko. So ‘yun ‘yung pinaka-ayaw ko mangyari. Ayokong magkasakit kahit sinong miyembro ng pamilya ko. Talagang pinoprotektahan ko ‘yung anak ko, when it comes to that.”

Sa isa naman niyang Instagram post, nag-post ito ng family photo at may kaakibat na mensahe sa mga pamilyang dumadaan ngayon sa matinding pagsubok.

Post ni Yasmien, “Have a blessed Sunday Stay healthy Mommies, Daddies and kids! God bless po! #Labanlang.”