HATAW! D'yaryo ng Bayan hatawtabloid.com
KITANG-KITA KO!
ni Danny Vibas
PARANG isang himala na nagdalantao si Jennylyn Mercado matapos nilang i-give up ang napakagastos na efforts nila ni Dennis Trillo na magkaroon sila ng sariling anak na mula sa pinagsanib nilang genes sa pamamagitan ng teknolohiyang “surrogacy.”
Nasa Amerika ang mga eksperto sa teknolohiyang yon, at doon nga sinubukan ng dating live-in partners na magka-baby sila. Pero ‘di umubra sa kanila.
Pero isang araw ay nadiskubre ni Jen na nagdadalantao siya. Parang isang himala ‘yon.
Para siguro mabasbasan ang sanggol sa sinapupunan ni Jen kaya nagpakasal na sila ni Dennis kahit sa civil rites lang, hindi solemn o religious wedding. Noong Lunes idinaos ang kasal sa hardin ng isang studio sa Quezon City na pag-aari ni Kathryn Bernardo.
Kaunti lang daw ang dumalo, ayon sa isang ulat sa Pep.ph. Mga miyembro lang ng kani-kanilang pamilya, at ilang kaibigan ang inimbita nina Jen at Dennis.
Nag-post si Jen sa FB n’ya ng litrato nila ni Dennis. Ayon sa isang report sa Manila Bulletin: Jennylyn posted a picture of the wedding on Facebook. It was captioned: “Forever, you & me.” A few minutes later, she deleted the photo. Some netizens, however, were able to capture the picture.
At dahil nga may nakapag-screenshot ng picture na ‘yon, ipinasa-pasa nila ang litrato, kaya kalat na rin ‘yon ngayon sa social media at sa traditional media.
Pero isang kababalaghan kung bakit tinanggal ni Jennylyn ang post na ‘yon na wala namang nakaeeskandalo o nakadidiring detalye.
