Thursday , April 24 2025
MARPSTA, PNP, Maritime police

Tulak timbog sa Maritime Police

BAGSAK sa kulungan ang isang batilyo matapos makuhaan ng shabu ng mga tauhan ng Maritime police sa Navotas City, kamakalawa ng umaga.

Kinilala ni Northern NCR MARPSTA chief P/Major Randy Ludovice ang naarestong suspek na si Rain Santos, 20 anyos, residente sa Los Martirez St., Brgy. San Jose.

Ayon kay Maritime police investigator P/CMS. Richard Denopol, dakong 9:00 am, habang nagpapatrolya sa Palengke St., Navotas Fish Port Complex, Brgy. NBBN ang mga tauhan ng MARPSTA sa pangunguna ni P/Cpt. Luisito Balatico sa ilalim ng pangangasiwa ni Major Ludovice sa pamumuno ni P/Col. Oliver Tanseco.

Dito, napansin ni Pat. John Rafael Remolar ang suspek na may hawak na isang transparent plastic sachet ng hinihinalang shabu kaya’t nilapitan niya ito at nagpakilalang pulis saka inaresto si Santos.

Narekober sa suspek ang isang transparent plastic sachet ng hinihinalang shabu at isang eye glass case na naglalaman ng tatlo pang plastic sachets ng hinihinalang shabu na tinatayang nasa P250 ang halaga bawat isa.

Kasong paglabag sa RA 9165 o Comprehensive Dangerous Drugs Act of 2002 ang kinakaharap ng suspek. (ROMMEL SALES)

About Rommel Sales

Check Also

DOST Region 02 Secures Licensing for Three Technologies at 2025 North Luzon Tech Transfer Summit

Region 02 Secures Licensing for Three Technologies at 2025 North Luzon Tech Transfer Summit

Baguio City — The Department of Science and Technology (DOST) Region 02 further strengthened its …

Tondo Fire

Sa Maynila
2 mataong residential areas nilamon ng higanteng sunog

TINUPOK ng dalawang malaking sunog ang dalawang residential area sa Tondo at Port Area, sa …

Arrest Posas Handcuff

Sa Marilao, Bulacan
Wanted na rapist timbog

NADAKIP sa pinaigting na manhunt operations ng Bulacan PPO ang isang lalaking nakatala bilang No. …

Anglees Pampanga PNP Police

P.2-M pabuya sa makapagtuturo sa pumatay sa turistang Koreano

NAG-ALOK ang Korean Association Community of Angeles City ng P200,000 pabuya sa sino mang makapagbibigay …

TRABAHO Partylist nanawagan magpatupad ng Safety Adaptation Plan para sa mangagawa

TRABAHO Partylist nanawagan magpatupad ng Safety Adaptation Plan para sa mangagawa

MULING nanawagan ang TRABAHO Partylist sa mga pampubliko at pribadong sektor na bumuo at magpatupad …