Joed Serrano isusulong ang karapatan ng mga ka-uri

HARD TALK!
ni Pilar Mateo

NAG-FILE na rin ng kanyang CoC ang aktor-producer-philanthropist at openly gay na si Joed Serrano.

Inusisa ko naman siya kung bakit bigla siyang nagdesisyon na sumalang na rin sa politika.

“Noong maikuwento sa akin ng kaibigan kong bakla na pinag-iwanan siya ng isang baby ng pabayang mag-asawa & inalagaan, minahal, pinalaki niya ito na parang tunay na anak.

“Tapos after 5 yrs. kinuha na lang bigla sa kanya ng ina. Halos mabaliw ang bakla sa pagka-miserable. May puso at damdamin kaming mga bakla. 

“So, nais kong gamitin ang boses at kakayahan ko para maisulong ang karapatan naming mga uri. 

“At nais ko ring mapagkaisa ang bayan. Tama na ang iba’t ibang kulay na naghahati sa mga Filipino. 

“Dilaw, pula, asul, puti, pink, green. Gawin nating isa ang lahat ng ‘yan. RAINBOW COLOR is the new color of Unity & Equality.. time to be recognized. Time to get out. Time to be heard kaya, Lets Get Loud & Let the GAY begin sa senado!”

Bukod sa Universe, mabulabog kaya ang Senado sa presence ni Joed sa sandaling maluklok ito sa tinatarget na posisyon?

Ang Senado ang kapulungang tagapaglagda ng mga batas sa ating bansa.

Bukod sa mga nasabi na niya, ano-ano pa kayang mga batas ang maipanunukala ni Joed sa sandaling maluklok siya sa sangay na ito ng ating pamahalaan?