HATAW! D'yaryo ng Bayan hatawtabloid.com
MATABIL
ni John Fontanilla
GRABE palang magmahal ng kanyang mga tagahanga si Elijah Alejo kaya naman 10 years na silang magkakasama ng kanyang loyal supporters.
Thankful at grateful si Elijah sa kanyang fans na itinuturing na rin niyang pamilya dahil grabe ang suporta ng mga ito simula pa nang mag- artista siya hangang ngayon.
Ito rin ang kanyang mga tagapagtanggol kapag may mga nang-aaway sa kanya, kaya naman lagi siyang nagbibigay ng oras para makasama ang mga ito para makausap at maka-bonding.
“Pero before po ng pandemic, nagbo-bonding po kami especially ‘pag birthday ko po.
“Pero ngayong pandemic mayroon po kaming GC (group chat) sa Facebook at doon kami nagkukumustahan at doon ko rin ikinukuwento ang latest sa akin.
“Pamilya na rin po kasi ang turing ko sa kanila, kaya masaya po ako na nakakamusta ko sila at nakakapag-kuwentuhan kami.”
At kahit pandemic, masaya si Elijah na hindi siya nawawalan ng trabaho dahil kahit matagal nang natapos ang Book 1 ng Primadonnas ay sunod-sunod naman ang guesting at ang latest ay sa Wish Ko Lang kasama si Geli De Belen, bukod pa sa bago niyang regular show sa Kapuso Network.
