HATAW! D'yaryo ng Bayan hatawtabloid.com
SOBRANG pinasalamatan ni Miss Universe Philippines 2020 Rabiya Mateo ang mga dumalo sa kanyang exclusive Meet and Greet na inisponsoran ni Ms Olivia Quido-Co ng OSkin and MedSpa sa Cerritos Mall, Los Angeles, USA kahapon.
Maraming kababayang Ilongga ni Rabiya ang nagtungo at nagulat si Ms O dahil umabot ang pila hanggang parking lot na ang iba ay nag-long drive pa galing Las Vegas, Nevada. Ang iba naman ay galing pa ng New Jersey, Virginia, New York dahil gustong makita at makatsikahan ng personal ang dalaga.
“Oo nga po Ms O nakatataba ng puso kahit hindi man natin na-penetrate ang Top 10 dahil sa pagmamahal nila (mga Pinoy), ramdam na ramdam ko na nanalo na rin ako. Kaya maraming salamat po sa mga Filipinong pumunta rito para makita ako, it means a lot to me,” pasasalamat ni Rabiya sa mga nagpunta sa okasyon.
Isa ang OSkin and MedSpa sa scheduled meet and greet na dinaluhan ni Rabiya sa Amerika.
Ang tanong ni Ms O, ”what’s next to you after this Miss U?”
“I have a lot of things to do, but I might go into acting, ha, haha,” nakatawang sabi ng dalaga.
‘When did you realize na acting pala ang gusto mo,’ tanong ni Ms O kay Rabiya.
“Kasi Ms O, I started during high school I do declamation, I write my own script and it’s one of my talent. So ngayon there’s an opportunity in acting, I will try,” kuweto ng beauty queen.
At kung mabibigyan ng pagkakataon ay mas gusto ni Rabiya na horror ang una niyang project na ikinagulat ni Ms O. ”Kasi it’s challenging, it’s very difficult to scare people so I’m offered that kind of genre.”
“Interesting ha, hindi ko ‘yun ini-expect na sasabihin niya,” tumawang sabi naman ni Ms Olivia.
Sino naman ang gustong makatrabaho ni Rabiya sa first project niya, ”ay marami like Maricel Soriano, ‘yung mga nasa haligi na talaga ng pelikulang Filipino, Dingdong Dantes, Ate Vi (Congresswoman Vilma Santos-Recto). Mangangarap din lang ako, tinaasan ko na, ha, haha.”
Sino ang celebrity crush ni Rabiya? ”Ms O, ito ang nakatatawa kasi I know nothing about basketball pero nanood talaga ako ng UAAP para makita siya, si Kobe Paras (naglaro sa UP), ha, haha. Kahit hindi ko na alam ang nangyayari hinanap ko talaga, asan si number 6?”
Panoorin sa FB page ni Ms Olivia ang iba pang pinag-usapan nila ni Rabiya tungkol sa life lesson, payo ng dalaga para sa mga kabataang iniidolo siya at sa mga gustong sumali sa beauty pageant.
FACT SHEET
ni Reggee Bonoan
