HATAW! D'yaryo ng Bayan hatawtabloid.com
ISA ang entertainment business sa grabeng naapektuhan ng pandemya. Pero maagap ang actor-model na si JM Magalona para hindi siya maigupo nito dahil nakapagtayo agad siya ng tapsilogan business at digital tools mula sa Globe.
Naging advantage ang pagiging showbiz personality cum fitness owner, ni JM para maging matagumpay ang kanyang bagong business na naibebenta online.
Sa kanyang Kuwento ng Tagumpay, nai-share ni JM kung paanong ang pagkahilig niya sa Filipino dish na “silog” ang siyang naging kaagapay niya para makapag-umpisa ng bagong negosyo.
Pinag-aralan niya kung paanong mas magiging akma ang gagawing negosyo sa kasalukuyang estado natin ngayon. Sa P6,000 capital, nanghiram ng refrigerator si JM at inumpisahan ang kanyang Project Tapsi.
“Sabi ko this is it, bubuhayin ko ‘to, irerevise ko ‘to na para kayang gawin sa pandemic. Ginawa ko siyang delivery,” pagkukuwento ni JM. “Nagpost ako online para makita nila ng produkto ko,” aniya.
Ginamit ni JM sa kanyang negosyo ang LTE-powered Globe At Home Prepaid WiFi na nakatutulong para sa customizable, high-speed, plug at play internet connection gayundin sa pagpapabilis ng kanyang GCash para sa cashless transactions gamit ang kanyang mobile phone, para mas mapadali, mapabilis, at ligtas bukod pa sa mas convenient ding paraan ng pag-order ng pagkain ng mga customer niya.
Marami na ang gumagawa ng ganito tulad ng kay JM na talaga namang malaki ang naitutulong para mapadali ang buhay-buhay natin ngayong may pandemya. Kaya naman patuloy ang reinvent ng Globe para mahanap ang iba pang paraan para mas makatulong pa sa mga iba pang pangangailangan ng netizens.
“Ganda-ganda ng pasok ng income. May events at commercials ako, and yung gym, maraming tao. Smooth lahat. Tapos nung mangyari ang COVID, nawalan ako ng pag-asa. Devastating talaga. Hindi ko naisip na sa pagsubok na to, mayroon palang pag-asa,” sambit pa ni JM na bago nagkaroon ng Project Tapsi ay na-stress din muna dahil sa pagkawala ng pagkakakitaan.
(MV)
