Crissha Aves iuuwi korona sa Miss Teenager Universe 2026

MATATAS sumagot at kitang-kita ang tiwala sa sarili ng 15-year-old beauty queen na si Crissha Aves na representative ng Pilipinas para sa Miss Teenager Universe Philippines 2026.

Sa Sashing Ceremony na isinagawa kamakailan na dinaluhan din ni Mr Teenager Universe Philippines 2026 Vanderlei Zamora napag-alaman namin mula kay Ms Charlotte Dianco, National Directors Philippines, Miss Teenager Universe Philippines na gaganapin ang Miss Teenager Universe 2026 sa Bali, Indonesia sa March. 

Tubong-Tanauan, Leyte si Crissha na una nang itinanghal na 1st Runner-Up sa Miss Teen Pintados 2025. Dito niya unang ipinamalas ang talino at confidence sa pagrampa.

Ayon kay Crissha, todo ang ginagawa niyang paghahanda para sa nalalapit na paglaban niya sa Miss Teenager Universe 2026.

Tiwala naman ang pamunuan ng Miss Teenager Universe Philippines na masusungkit ni Crissha ang koronang inaasam ng bansa.

Bukod kasi sa ganda at tikas taglay din ni

Crissha ang talino para makasagot ng maganda sa question and answer segment.

Sa kabilang banda malaki ang pasasalamay ni Crissha sa Miss Teen International Philippines, “thank you for being the organization that opened this door and allowed me to step into a dream bigger than myself, giving me the chance to grow, learn, and be seen.”

Gayundin kay Direk Charlotte, aniya, “thank you for seeing my potential even before I fully saw it myself, and for believing that I had what it takes to walk with onto the international stage.

Sinabi pa ni Crissha na, “I hope through my journey, my experiences that I will experience through this pageant journey I will be able to influence and motivate other teens like me that it’s okey to make mistakes, it’s okey to fail as long as your whole.”

Advocacy naman ng magandang dilag mula Leyte ang Children with special needs.

Dumalo rin sa Sashing Ceremony si Little Mister Kids of the World Philippines 2026 JJ Rivera Ahaja at Man of the Universe 2024 1st runner-up and Alta Skincare President Amir Bergado.

Ang singer-actor na si Lance Raymundo ang nagsilbing host ng mediacon. (Maricris Valdez)