Monday , February 2 2026
https://www.facebook.com/bingoplusph

Cloe Barreto, masaya sa feedback sa launching movie niyang Silab

AMINADO si Cloe Barreto na mahirap ang natokang papel sa kanya sa pelikulang Silab. Tampok ang aktres sa naturang proyekto na isang psychological-sex-drama movie, mula sa 3:16 Media Network ni Ms. Len Carrillo.

Dalawa ang leading men ni Cloe sa pelikula, sina Jason Abalos at ang newbie hunk actor na si Marco Gomez. Parehong magkakaroon ng malalim na kaugnayan ang karakter ni Cloe sa dalawang kapareha.

Lahad ni Cloe, “Napaka-complex ng character ko sa pelikulang ito. Paiba-iba rin iyong emotions na kailangang ilabas ko, but I’m happy kasi nagawa ko naman (siya) nang maayos.”

Ayon sa magandang aktres, nakaramdam siya ng kakaibang excitement sa kanilang launching movie.

Saad ni Cloe, “Sobrang excitement po ang nararamdaman ko, hanggang ngayon nga po ay hindi po ako halos makapaniwala na nakagawa ako ng movie na ako pa iyong isa sa bida. Hindi pa rin po ako makapaniwala talaga.”

Mula sa pamamahala ng batikang director na si Joel Lamangan at sa panulat ni Raquel Villavicencio, bahagi rin ng cast sina Lotlot de Leon, Chanda Romero, Jim Pebanco, Quinn Carrillo, Karl Aquino, Christine Bermas, Rie Cervantes, at iba pa.

Bukod sa ganda ng script, direction, at superb acting ng cast ng Silab, maganda rin ang cinematography ng pelikula.

Puring-puri ni Direk Joel ang performance ni Cloe sa pelikulang ito.

“Para siyang hindi baguhan. Ang galing-galing niyang aktres. Parang si Jaclyn Jose noong nagsisimula siya sa pelikula,” papuri ni Direk Joel kay Cloe.

Nabanggit ni Cloe na natutuwa siya sa magandang feedback sa kanya sa pelikula dahil parang hindi raw baguhan ang acting niya sa Silab.

Sambit ng aktres, “Sobra pong natuwa, at least, kahit paano ay napapansin ako. Pero ginawa ko po talaga ‘yung best ko, so parang nakatataba po ng puso na makarinig ng comments na ganoon.”

ALAM MO NA!
ni Nonie Nicasio

 

Krystall Herbal Products and FGO Branches

About Nonie Nicasio

Check Also

Fifth Solomon Joseph Marco Rhen Esçan̈o

Direk Fifth aarte muli basta maganda ang proyekto  

MATABILni John Fontanilla HANDA pa ring umarte sa mga teleserye o pelikula  si direk Fifth Solomon. Matagal-tagal …

Alden Richards Nadine Lustre

Alden excited makatrabaho si Nadine 

MATABILni John Fontanilla MASAYA si Alden Richards na makakatrabaho si Nadine Lustre. Anang actor, isa si Nadine sa …

Vic del Rosario Ricky del Rosario

Kapatid ni Boss Vic na si Ricky ngayong araw ang libing

I-FLEXni Jun Nardo PUMANAW na ang nakababatang kapatid ni Boss Vic del Rosario ng Viva Group of Companies na …

Rhian Ramos Michelle Dee Baro Alyas Totoy

Michelle nasa Iloilo nang maganap ‘pag-torture’ sa driver, Kampo  ni Rhian iginiit walang illegal detention

I-FLEXni Jun Nardo MAAGAP na naglabas ng panig ang legal counsel nina Rhian Ramos at Michelle Dee sa umano’y …

Claudine Barretto Inday Barretto

Ina ni Claudine na si Mommy Inday pumanaw sa edad 89

PUMANAW na ang ina nina Gretchen, Marjorie, at Claudine Barretto na si Estrella Barretto, o mas kilala bilang Mommy Inday, …