HATAW! D'yaryo ng Bayan hatawtabloid.com
UNANG teleserye ni Joaquin Domagoso o JD sa GMA ang First Yaya na katambal si Cassy Legaspi. Bida rito sina Sanya Lopez at Gabby Concepcion.
Bukod sa pag-aartista, nais din ni Joaquin na maging businessman.
Ayaw niyang maging mayor tulad ng ama niyang si Manila City Mayor Isko Moreno.
“Ang bata ko pa bakit ko iisipin agad ‘yan,” at tumawa si Joaquin.
Hindi rin naman agad inisip ni Isko na maging Mayor.
“Yeah ako rin but right now hindi pa plano ‘coz that’s a long-term plan.”
Kung iyon ang tadhana niya, ang maging politico, tatanggapin ba niya?
“Yeah,” ang nakangiting sagot ni Joaquin.
Ano na ang best advise sa kanya ng ama ngayong artista na rin siya?
“Listen, always listen, to your co-artist. Listen to your manager.
“And be careful. Because now that you’re in this world, where like, everybody’s watching.”
Walang bodyguard si Joaquin, ayaw niya. Lagi naman siyang maraming kasamang kaibigan kapag lumalabas.
Binibigyan siya dati ng bodyguard pero tinanggihan niya.
“We’re not that sobrang special na, ‘Be careful,’ parang ganoon. We don’t have enemies that big.”
At sa tanong namin kung ano ang luxury in life niya, ”V Cut,” na ang sikat na local brand ng potato chips ang tinutukoy.
May isang Pasko raw dati, dahil alam ng lahat na paborito niya iyon ay niregaluhan siya ng isang tito niya ng 50 V Cut!
“Wala parang three weeks naubos ko,” ang tumatawang bulalas ni JD.
Rated R
ni Rommel Gonzales
