Bahay ni Paolo, parang higanteng Christmas gift

CHRISTMAS is fast approaching. AT dahil pumasok na ang buwan ng ber, ilang tulog na lang at Christmas na! Kaya naman kanya-kanya ng dekorasyon sa mga bahay ang ginagawa ng bawat Pinoy kahit na may Covid-19.

Pero para na rin sa spirit of Christmas at para magdala ng goodvibes sa bawat pamilyang Pinoy, maraming Pinoy ang maagang naglagay ng Christmas decorations.

At isa nga sa talaga namang kapansin-pansin at naging instant attraction ang bagong bahay ng Dabarkads na si Paolo Ballesteros. Nagmistulamg higanteng regalo ang bahay nito dahil na rin sa giant red ribbon na inilagay sa kanyang bahay na umiilaw sa gabi, kaya naman kung titingnan iyon, talaga namang napakalaking regalo.

Habang ang kabilang side naman ng bahay nito ay nilagyan ng napakalaking ilaw, kaya naman pagsapit ng gabi , nagdudulot ito ng saya at goodvibes sa mga taong nakakikita na ‘di maiwasang magpalitrato.

Sa gitna nga ng pandemyang ating kinahaharap, hindi pa rin maawat ang mga Pinoy na mag;agay ng kanya-kanyang dekorasyon para sa darating na Kapaskuhan para na rin magdala ng good feelings sa bawat isa bukod pa sa isa rin ito sa nagpapaalala na ito ang araw ng kapanganakan ni Hesukristo na ating tagapagligtas at magliligtas sa atin sa bawat problema.

MATABIL
ni John Fontanilla