HATAW! D'yaryo ng Bayan hatawtabloid.com
NGAYONG araw, Lunes ike-cremate ang ama nina Angelika at Mika Dela Cruz na si Daddy Ernie na pumanaw nitong Sabado na ang final findings ay Covid complications.
Ang pahayag ni Mommy Angellika Egger nang maka-chat namin kahapon, “Daddy died of COVID complications, there is no burol. He will be cremated tomorrow.”
Sa mga nauna naming pag-uusap ng ina ng magkakapatid na Angelika, Erick, at Mika ay hindi Covid ang sakit.
“No, negative twice. Heart and lung failure ‘coz of lack of oxygen caused by pneumonia,” ito ang laging sinasabi sa amin.
At nitong Sabado nakita ang findings.
Simula nang ma-ospital si daddy Ernie ay parati naming nakaka-chat ang mag-inang Mommy Egger at Angelika para sa kalagayan at laging sagot sa amin, “He is still critical, showing just very slight improvements.”
Twenty days nanatili sa Coronary Care Unit o CCU si Daddy Ernie.
Ang madamdaming post ni Angelika nitong Sabado nang malamang wala na ang ama.
“Daddy you are my best friend ang kakampi ko sa lahat. I’m heartbroken dahil iniwan moko agad. I love you so much Dad. Mabuti kang tao na maraming tinulungan.. pahinga ka na. Rest in Peace Dad masaya ako para sayo at mag kasama na kayo ni Edward till we meet again mahal na mahal kita #daddysgirl,” say ng aktres cum Barangay chairman ng Longos, Malabon City.
Mula sa pahayagang Hataw, nakikiramay kami sa naulila ni daddy Ernie.
FACT SHEET
ni Reggee Bonoan
