Bilis, lakas napanatili ni Pacquiao

INILABAS   ni eight-division champion Manny Pacquiao ang kanyang bilis at lakas sa paunang ensayo  kahit mahigit 40 anyos na ito.

Nag-post ng video si fighting senator sa kanyang twitter account ng ensayo nito, nakita doon ang walang humpay na training kahit na may COVID-19 pa sa bansa.

Bilis ng kamay at lakas ng suntok ang nasilayan sa video kung saan ay parang pinahihiwatig ni Pacquiao na kaya pa nitong mag­patulog ng kalaban.

Maraming nagha­hangad na makaharap si Pacquiao pero sa ngayon ay di pa tiyak kung sino ang sunod niyang maka­kaharap.

Ang mga humahamon  sa Pinoy boxing legend ay sina four-division champion Mikey Garcia, IBF world welterweight champ Errol Spence Jr. at WBO Welterweight World Champ Terence Crawford.

Samantala, nais naman ng rematch ni Keith Thurman at ang matagal nang nilulutong ‘MayPac3’ o muling pakikipagbug­bugan kay undefeated American fighter Floyd Mayweather Jr.