Michael V., Heart, at Dingdong, may pasabog

SA gitna ng pandemic dahil sa Covid-19, obligadong manahimik sa kanilang pamamahay ang mga artista natin sa ayaw at sa gusto nila to protect themselves and their families.

Pero hindi sila tumunganga at naghintay na lang ng kaganapan. Hindi sila nawalan ng mga idea para maging busy at makapaghatid ng kasiyahan sa mga follower nila.

Kaya hindi nahirapan ang GMA Network na kumbinsihin sila sa niluluto nila. Ito ay ang pagsasama-sama ng tatlong bigating Kapuso stars na sina Michael V, Heart Evangelista, at Dingdong Dantes.

Sa napanood naming 15-second video, idine-describe nila ito bilang mas ‘malinaw, mas makulay, mas maganda, at sulit pa!’ Ano kaya ang tinutukoy nila?

Sa tingin namin isa ito sa pinaka-bonggang pasabog nila ngayong buwan dahil sa selebrasyon din ito ng ika-70 anibersaryo ng Kapuso Network. Exciting huh! Kung anuman ang handog nilang ito, sabay-sabay nating malalaman sa June 26 sa Wowowin!

ni Joe Barrameda