Rayantha Leigh, patuloy sa paghataw ang showbiz career

KALIWA’T kanan ngayon ang projects ng talented na teener na si Rayantha Leigh. Kung dati ay sa pagkanta ang kanyang focus, ngayon ay sumasabak na rin siya sa pag-arte at pagiging TV host.

 

Nakahuntahan namin siya recently at inusisa ang mga pinagkakaabalahan niyang projects ngayon.

 

Kuwento ni Rayantha, “May upcoming po akong show sa GMA-News TV titled Rayantha Leigh, My Life, My Music. About OPM po siya and mayroon din po akong upcoming teleserye sa IBC13, ito po ang Kaagaw Sa Pangarap. Bale, ako po ‘yung kontrabida rito and kasama ko po rito sina Ella Apon, John Bermundo, Steven Ocampo, at marami pa pong iba. To be announced po kung kailan ang start niya.

 

“Mayroon din pong upcoming noontime show sa IBC13 titled Yes Yes Yow! Dapat po ay nag-start na siya ngayon, kaso na-stop po dahil sa Covid19.”

 

Dagdag niya, “Lahat po ng show ay produced by SMAC Television Production. Thankful po ako sa SMAC Television Production for trusting me and my talent, of course sa mom ko rin and family, for always supporting me.

 

“Excited na rin po akong mapanood ng mga tao ang upcoming teleserye namin.”

 

Iyong show niya sa GMA-News TV, nakapag-taping na ba sila? Solo lang ba siya sa show? “Nakapag-taping na po ako sa Rayantha Leigh, My Life, My Music ng tatlong episodes, pero ‘di pa po siya naipapalabas.

 

“Opo, solo lang po ako, at dito’y mapag-uusapan ang mga trending OPM songs and mag-i-interview din ako ng OPM artists,” masayang saad pa niya.

ALAM MO NA!
ni Nonie Nicasio