Ashley Aunor, happy sa tandem nila ng kanyang Ate Marione

Kuwento sa amin ni Ashley na kilala rin bilang Cool Cat Ash, “Naglabas po ako ng latest single na Diyosa ng Kaseksihan na may kasamang music video and yung three OPM cover na inilabas sa Star Music channel.”

Aniya pa, “Collaboration po namin ni Ate Marione iyong song, gawa ng Aunorable Productions.”

Kamusta ang feedback sa kanyang song? “Maganda po yung feedback and nalagay sa new music Friday sa Spotify at sa Spotify Pinoy Alternative Rock Playlist din.”

Nakatutuwa dahil after ng single niyang Mataba na kontra sa body shaming, sinundan naman niya ito ng Diyosa ng Kaseksihan na talagang makikita ang talento at self confidence ni Ashley.

Aminado rin ang bunso ni Ms. Lala Aunor na mas nag-eenjoy siya ngayon sa kanyang career. “Yes! Kasi mas sure na ako sa genre and career path ko especially noong inilabas ko yung Diyosa ng Kaseksihan and rock covers.”

Paano niya ide-describe ang kanyang music? “Rock na may touch ng classic rock,” matipid na pakli pa niya.