Arnell, mala-propesor magpaliwanag ng mga bagay-bagay

LAHAT ngayon ay tutok at gugol ang buhay sa harap ng kanilang laptops o kaya eh cellphones. Ito na ang paraan ng pakikipag-communicate sa panahon ng CoVid-19.

Halos lahat na yata ng celebrity eh, may kanya-kanya nang paraan ng pakikipagtsika sa lahat.

Isa sa mga nauna sa tsikahan online ay si DA Arnell Ignacio. Na never naubusan ng paksa lalo pa ‘yung mga napapanahon. Kaya lahat ng mga katanungan eh, nabibigyan niya ng sagot at paliwanag.

Kung may mga tanggap na tanggap siya at para nga siyang professor sa pagpapaliwanag niya sa mga bagay-bagay, aba eh, mayroon ding kontra-pelo.

At may pagkakataong nagiging patola rin o pumapatol sa ilang mga bastos ang balik sa kanya.

Isa sa kanyang reaksiyon sa isang tanong.

“Bakit pa mag-aambisyon ang mga mahihirap mahango sa kahirapan eh kung umangat ka sa buhay kakalimutan ka na ng gobyerno mo? KUNG UMANGAT KA PALA EH kasali ka na sa magsisikap para suportahan ang mga mahihirap na pinananatili NINYONG MAHIRAP para madali ninyong mauto sa mga abot ng t-shirt at pamaypay sa election!!

“Ngayon sino ka pala sa gobyerno kung HINDI ka mahirap? Maniwala kayo sa eleCTion at marinig ko kayo na sabihinG iaangat niyo kabuhayan ng mahihirap, sisigawan ko kayo na SINUNGALING!

Rito siya bumigay.

Say ni Arnell, “Dito sa bansa natin dapat pala ambisyon mo sa buhay eh, maging mahirap kung gusto mo na mailagay ka sa isip ng mga opisyales ng gobt.. Ang nakalilito lang kung hindi ka mahirap eh, sino gobyerno mo? Eh ‘di ka pala kasali lagi kapag may crisis. Wala naman pala pakialam sa iyo kung mas ok buhay mo dahil.nagtatrabaho ka. So, parang ang sistema aayusin mo buhay mo. Bayad ka ng tax nang matino para ibigay sa mga nakanganga lang. Ganoon ba. Lintek!”

May sumagot na Allan E. Bernardino.

“Ikaw din naman sir arnel puro ka dada sa social media try mo kaya tumulong sa mga nasa middle east nasa OWWA ka ‘’di ba..kami andito ngayon kadarating lang naka-quarantine sana naman pabilisin n’yo ‘yung result ng swab test para naman makapahinga na kami at makauwi sa pamilya na naghihintay sa amin.”

Na sinagot ni Arnell, “Allan E. Bernardino ano kinalaman ko sa swab test Allan?Mga kagaya mo ang tinutukoy ko. Dada ka nang dada hindi ka nag-iisip. Una, hindi ka man lang nag-research kung taga-OWWA ako officially. O ‘di ba ngayon mukha ka lang tanga.”

Kaya may naglinaw kay Allan E. kung ano na ngayon si Arnell. Na pinasalamatan niya.

“MANILA –Margaux “Mocha” Uson, former Assistant Secretary of the Presidential Communications Operations Office (PCOO), has been appointed to the Overseas Workers Welfare Association (OWWA).

Oo nga. Buti na ‘yang malinaw. Marami pa rin ang nag-aakala na nasa OWWA pa rin si Arnell. Private Citizen na sa ngayon si Arnell.

Sa mga tsikahan online, pawang mga problema pa rin ng mga OFW, sa OWWA at sa mga ahensiyang nagkaroon siya ng posisyon ang inihihingi ng ayuda sa kanya.

Kaya para mag-break, nagpapalaro na rin si Arnell sa kanyang online tsikahan gabi-gabi! With matching premyo!

Kaya sabi niya, ‘huwag kayong ano. At nang-aano!’

No holds barred. May mga gabing malalalim ang usapan. Mawiwindang ka sa terms gaya ng Kruger Effect. Na maayos niyang naipaliliwanag.

Try niyo subaybayan at buong mundo, lalo ‘yung mga nasa Middle East at tumutok kayo sa kanya!

HARD TALK!
ni Pilar Mateo