Janah Zaplan, gustong maging successful para sa kanyang parents

NAKATUTUWA ang interview kay Janah Zaplan nina katotong Fernan de Guzman, Blessie Cirera, Boy Romero, at Joey Austria sa kanilang Youtube channel na Unlitok.

Si Janah na binansagang Millenial Pop Princess ay isang talented na 17 year old recording artist na Grade 12 sa OB Montessori, Sta. Ana. Ang pinagpipilian niyang course sa college ay Film or Tourism.

Bukod sa pagiging magaling sa pagkanta ay nagko-compose rin siya ng songs, pambato rin ang magandang dalagita pagdating sa sayawan.

Emotional si Janah sa panayam sa kanya nang usisain kung ang pagiging singer niya’y nagiging instrumento sa pagpapasaya sa ibang tao?

“Ay opo, I think so. Through my songs, through how I sing, I see people happy and proud of it and I’m really, I don’t know what to feel po, sobrang mixed emotions… To be honest, kasi until now I’m still overwhelmed of what is happening, kasi in a span of two years, I’m already here, I already reached something. And it’s something to be proud of,” sambit ni Janah.

Dito’y nabanggit din ni Janah na gusto niyang maging maayos siya sa pag-aaral at sa kanyang career. “I really don’t want to become a failure. Kasi I know how much my parents sacrificed for me, so in return I want something back for them po,” wika pa niya bilang pagpa­pasalamat sa parents na sina Mr. and Mrs. Boyet at Dencie Zaplan.

Anyway, ang third digital single ni Janah titled More Than That na komposisyon ni Paulo Zarate ay available sa iTunes, Spotify, Youtube, Deezer, at Amazon.com, tulad din ng dalawa niyang naunang single na Di Ko Na Kaya at Mahal Na Kita.

ALAM MO NA!
ni Nonie Nicasio