Anak ni Melanie, itinanghal na Miss World Philippines 2019

Maricris Valdez Nicasio September 17, 2019 Showbiz

KITANG-KITA ang katuwaan ni Miss International Melanie Marquez nang tanghaling Miss World Philippines 2019 ang kanyang anak na si Michelle Marquez-Dee noong Linggo sa Araneta Coliseum. Tinalo niya ang iba pang 40 kandidata at siya ang magre-represent sa Miss World na gaganapin sa London, United Kingdom.

Si Michelle rin ang nakakuha ng ilang special awards tulad ng Miss Myra E, Miss GCOX, Miss Bench, Miss Bluewater Day Spa ka-tie si Casie Banks, at Miss Best Skin ka-tie naman si Kelley Day.

Itinanghal namang Miss Reina Hispanoamericana si Katrina Llegado, Miss Eco Philippines si Kelley Day, Miss Multinational si Isabelle de Leon, Miss Tourism Philippines si Glyssa Leiann Perez, Miss Eco Teen Philippines si Vanessa Mae Walters, 1st Princess si Shannon Kerver, at 2nd Princess si Casie Banks.